إلى فصل الربيع

من لما دخلتي حياتي قبل سنتين ولليوم .. قلبتيلي ياها فوقاني تحتاني .. وخليتي كل شي أحلا، خليتيها أحلا من أحلا سيناريو اتخيلو مخي بيوم.

​

ما بعرف .. مع أنو كان من ألقابي " نزار الجديد" و " سيد الكلمات " إلا أني بضل قدام حبك عاجز عن أني عبر عن اللي جواتي وبعجز عن وصف تأثيرك الإيجابي بنفسيتي، إنتي فصل الربيع الأبدي بعالمي.. إنتي النور السماوي اللي ضوا حياتي كلها وشال غيومها وأبرز جمالها وخلت كل يوم دافي وحلو.

​

علاقتنا كانت تحدي كبير لأنها كانت عن بعد وكانت محتاجة جهد ومعجزة لتستمر.. والمعجزة قدرنا نخلقا سوا وقدرنا مو بس نحافظ عليه بل خليناه أقوى وأجمل وأكثر متانة كل يوم، وهالمسافة وهالتحديات عطوني فرصة لأكتشف مدى قوة مشاعري تجاهك.

​

كل لحظة قضيتا معك من خلال الشاشة كانت كنز.. كل يوم معك كان أحلا يوم لهلأ وما بتقدري تتخيلي أو تستوعبي أديش متشوق لشوفك وإلتقي فيكي ونكون سوا.. لأنو بعرف أنو لقائنا رح يكون اللحظة الي بتبدا فيها سعادتنا الأبدية.

​

ميسو انتي أكتر من مجرد حب بالنسبة إلي.. انتي صديقتي وعيلتي وتوأم روحي، أنتي أنا بمكان تاني وما بتتخيلي أديش أنا ممتن لكونك جزء من حياتي وأديش بشوف حالي فيكي .. وأتطلع إلى مشاركة المزيد من الذكريات معك واللحظات الحلوة الي رح نعيشها ونصنعها سوا.

​

بالختام: 

بدي ياكي تعرفي أنو حبي إلك ما الو حدود، وأنك بتعنيلي الدنيا كلا، أنا ممنون لكل لحظة قضيناها سوا ومتحمس كتير للأيام الي جاية.

​

بحبكككككككككك ميثو بحبك ربيعي..